Бүгін – білім күні. Миллиондаған баланың жүзіне шаттық ұялап, жазғы демалыстағы сағыныштан соң мектептеріне қайта оралды. Ал, мыңдаған бірінші сынып табалдырығын имене аттап, жаңа ортаға көзжүгіртті. Теміртау қаласындағы оқу орындары да бүгін есіктерін айқара ашып, жаңа оқу жылын мерекелік көңіл-күймен қарсы алды.
Біз де осы бір айтулы күннің қарсаңында балаларға базарлық сыйлауды жөн көріп отырмыз. Алдағы уақытта талантты да талапты балаларды қолдау мақсатында «Qonyrau.kz» онлайн басылымын ашып отырмыз. Келіңіздер, оқыңыздар, біз түсірген бейне контентті көріңіз және өздеріңіз де жазып тұрыңыздар.